پنجاب کے میدانی علاقوں میں شدید دھند، موٹرویز بند


لاہور(صباح نیوز)پنجاب کے میدانی علاقوں میں شدید دھند کے باعث متعدد موٹرویز کو بند کردیا گیا۔

لاہور اسلام آباد موٹروے ایم 2 ٹھوکر نیاز بیگ سے کوٹ مومن تک اور پنڈی بھٹیاں فیصل آباد موٹروے ایم 3 جڑانوالہ سے فیض پورتک بند کردی گئی ہے۔

سیالکوٹ لاہور موٹروے ایم 11 کالا شاہ کاکو سے سمبڑیال تک ٹریفک کیلئے بند کی گئی ہے۔

دوسری جانب شدید دھند کے باعث حد نگاہ کم ہونے سے قومی شاہراہوں پر بھی ٹریفک کی روانی متاثر ہوئی۔