کورونا وائرس ‘ ملک بھر میں مزید 8افراد چل بسے ،اموات 6474 ہو گئیں

انٹرنیٹ فوٹو

اسلام آباد : ملک بھر میں کورونا وائرس سے مزید 8 افراد چل بسے  جس کے بعد اموات6474ہو گئیں ،672نئے کیسز رپورٹ ہونے سے متاثرین کی تعداد  3 لاکھ 11 ہزار 516 ہوگئی۔

نیشنل کمانڈ اینڈ آپریشن سینٹر(این سی او سی ) کے تازہ ترین اعدادوشمار کے مطابق گذشتہ 24 گھنٹوں کے دوران  مزید 8افراد جاں بحق ہونے سے اموات 6474ہو گئیں جبکہ 672نئے کیسز رپورٹ ہونے سے متاثرین  3لاکھ 11ہزار 516ہو گئے ، پنجاب میں اب تک مجموعی طور 99ہزار 292، سندھ میں ایک لاکھ 36 ہزار 395، خیبر پختونخوا میں 37 ہزار 727، بلوچستان میں 15 ہزار 177، گلگت بلتستان میں 3 ہزار 730، اسلام آباد میں 16 ہزار 532 جبکہ آزاد کشمیر میں 2 ہزار 663 کیسز رپورٹ ہوئے۔ملک بھر میں اب تک 34 لاکھ 82ہزار 206 افراد کے ٹیسٹ کئے گئے۔

گذشتہ 24 گھنٹوں کے دوران 32 ہزار 665 نئے ٹیسٹ کئے گئے، اب تک 2 لاکھ 96 ہزار 340 مریض صحتیاب ہوچکے  جبکہ 419 مریضوں کی حالت تشویشناک ہے۔

مزید پڑھیں: ملک بھر میں کورونا وائرس کی دوسری لہر آسکتی ہے، سعودی وزارت صحت کا انتباہ

پاکستان میں کورونا سے ایک دن میں 8 افراد جاں بحق ہوئے جس کے بعد وائرس سے مرنے والوں کی تعداد 6 ہزار 474 ہوگئی۔ پنجاب میں 2 ہزار 234، سندھ میں 2 ہزار 495، خیبر پختونخوا میں ایک ہزار 259، اسلام آباد میں 181، بلوچستان میں 145، گلگت بلتستان میں 88 اور آزاد کشمیر میں 72 مریض جان سے ہاتھ دھو بیٹھے۔