حسن ابدال، منہاج فاؤنڈیشن کے زیراہتمام اجتماعی شادی کی تقریب


حسن ابدال: منہاج فاؤنڈیشن انٹرنیشنل کے تحت مستحق بچیوں کی اجتماعی رخصتی کی تقریب ہوئی ۔ بطور مہمان خصوصی مرکزی ڈائریکٹر سید امجد تھے ۔

خرم شیراز نے میڈیا کو بتایا کہ شیخ الاسلام ڈاکٹر محمد طاہر القادری کی ہدایات پر اجتماعی شادیوں کی آٹھویں تقریب ہے اور اب تک 96 بچیوں کی جن میں مسیحی خاندان بھی شامل ہیں باعزت رخصتی کی جا چکی ہے۔

سید امجد کا کہنا تھا کے اسلام صرف عبادات کا نام نہیں خدمت انسانیت کا ہمارے دین میں بہت بڑا حصہ ہے۔منہاج ویلفیئر فاؤنڈیشن کا نیٹ ورک پوری دنیا میں اپنی خدمات سرانجام دے رہا ہے۔

ان کا کہنا تھا کہ منہاج فاونڈیشن دنیا بھر میں فلاحی خدمات سرانجام دے رہی ہے۔شادیوں کی اس تقریب میں سات بچیوں کو بنیادی ضروریات کے ساتھ پروقار اور دھوم دھام سے رخصت کیا گیاہے۔