گلمرگ، تاریخی مغل روڑ پر موسم سرما کی پہلی برف باری


سری نگر: شمالی کشمیر میں موسم سرما کی پہلی برف باری ہوئی ہے ۔سیاحتی مقام گلمرگ اور تاریخی مغل روڑ پر واقع پیر کی گلی نے برف کی سفید چادر اوڑھ لی ہے۔

کے پی آئی کے مطابق گلمرگ میں اچانک موسم خراب ہونے کی وجہ سے افروٹ کی پہاڑیوں پر موسم کی پہلی ہلکی پھلکی برفباری ہوئی جبکہ ٹنگمرگ کے گرد ونواح میں قریب ایک گھنٹے تک تیز ہوائوں کے ساتھ بارش ہوئی۔

مزید پڑھیں: الخدمت فاؤنڈیشن آزاد کشمیرکے برف باری سےمتاثرہ خاندانوں کی ہرممکن مدد جاری رکھے گی۔محمد عبدالشکور

اس دوران مغل روڑپر پیر کی گلی پر بھی ہلکی برف باری ہوئی ہے ۔ بڈگام کے کئی علاقوں بشمول افروٹ ، نیلہ ناگ ،لولی پورہ ،سورسیار ، کھاگ اور خانصاحب میں تیز ہوائیں چلیں۔ پہاڑوں پر ہلکی برف باری کے نتیجے میں درجہ حرارت میں گراوٹ آئی ہے۔