ٹک ٹاک غیراخلاقی و نامناسب مواد ہٹا ئے ورنہ کاروائی کی جائے گی،پی ٹی اے


اسلام آباد:پاکستان ٹیلی کمیونیکیشن اتھارٹی(پی ٹی اے)نے ٹک ٹاک سے کہا ہے کہ وہ فحش، غیر اخلاقی اور نامناسب مواد کو پاکستان میں دیکھے جانے کے لیے فوری طور پر بلاک کرے۔

پی ٹی اے نے پلیٹ فارم پرموجو د غیر مہذب / غیر اخلاقی /نامناسب مواد کے منفی اثرات کو مدنظر رکھتے ہوئے ایسا کیا ہے۔پی ٹی اے نے فوری طور پر قابل اعتراض مواد کو ہٹانے اور غیر قانونی مواد کے پھیلاؤ میں پلیٹ فارم کے استعمال کو روکنے کے لئے ٹِک ٹاک سے رابطہ کیا ہے۔

مزید پڑھیں:پی ٹی اے نے پانچ ڈیٹنگ / لائیو سٹریمنگ ایپلی کیشنزبلاک کر دیں، ترجمان

اس کے علاوہ، پلیٹ فارم کو ہدایت کی گئی ہے کہ مواد کی مانیٹرنگ اور اسے اعتدال پر رکھنے کے لیے ایک موثر حکمت عملی وضع کرے تاکہ غیر اخلاقی /نامناسب مواد کو ہٹایا جا سکے بصورت دیگر قانون کے تحت کاروائی کی جائے گی۔