فیصل آباد: والدہ کی دوائی کیلئے جانے والی لڑکی کیساتھ اجتماعی زیادتی

فیصل آباد: فیصل آباد میں دو افراد نے بیمار والدہ کی دوائی لینے کے بہانے لڑکی کو بلا کر اجتماعی زیادتی کا نشانہ بنا ڈالا۔

پولیس کے مطابق جڑانوالہ کے علاقے میں دو ملزمان زبیر اور اصغر نے لڑکی کو اجتماعی زیادتی کا نشانہ بنایا۔

مزید پڑھیں: موٹر وے زیادتی کیس ملزم وقار الحسن نے گرفتاری دیدی

متاثرہ لڑکی نے پولیس کو بتایا کہ اس کی والدہ شوگر کی مریضہ ہے، انہیں فون کر کے ملزمان نے کہا کہ انہوں نے بیرون ملک سے شوگر کے مرض کے علاج کی دوائی منگوائی ہے، والدہ کے علاج کے لیے وہ بھی دوائی لے جائے، جب متاثرہ لڑکی دوائی لینے گئی تو دونوں ملزمان نے زیادتی کا نشانہ بنایا۔

پولیس نے متاثرہ لڑکی کی درخواست پر تھانہ سٹی جڑانوالہ میں مقدمہ درج کر کے ملزمان کو گرفتار کر لیا۔