شکار شکاری پر سوار، مینڈ ک کی سانپ کی پیٹھ پر سواری

نئی دہلی: :سانپ کو دیکھتے ہی ہر کوئی خوف میں مبتلا ہو جاتا ہے لیکن مینڈک نے سانپ پر سواری کر کے دیکھنے والوں کو حیران کر دیا۔

سوشل میڈیا پر وائرل ہونے والی ایک ویڈیو میں دیکھا جاسکتا ہے کہ مینڈک بلا خوف و خطر سانپ کی پیٹھ پر سواری کر رہا ہے۔ یہ ویڈیو بھارتی محکمہ جنگلات کے ایک افسر نے شیئر کی اور کیپشن میں لکھا کہ شکار شکاری پر سوار ہے۔ انہوں نے اس واقعہ کے وقت اور مقام کا ذکر نہیں کیا۔

ماہرین کا کہنا ہے کہ مینڈک سانپوں سے دور رہنا پسند کرتے ہیں اور وہ ان کے ساتھ تصادم میں نہیں پڑنا چاہتے لیکن یہ ایک غیر معمولی ویڈیو ہے۔