انقرہ(صباح نیوز) انقرہ میں پاکستان کے سفارت خانے نے اقتصادی تعاون تنظیم ثقافتی ادارے (ECOCI) اور Keciren میونسپلٹی کے اشتراک سے ایک تصویری نمائش کا انعقاد کیا جس میں ای سی اوکی بھرپور اور متنوع ثقافتوں کی نمائش کی گئی تھی جس میں “فرینڈشپ کے فریم: ای سی او کلچرز کو خراج تحسین پیش کیا گیا ۔
نمائش میں ترک ممبر پارلیمنٹ برہان کایاترک، پاکستان کے سفیر ڈاکٹر یوسف جنید، کیچورین کے ڈپٹی میئر مسٹر اتیلا زورلو، ای سی او ممالک کے سفارت کاروں، سول سوسائٹی اور میڈیا کے نمائندوں نے شرکت کی۔ نمائش کے افتتاح سے قبل گزشتہ روز ہیلی کاپٹر حادثے میں جان کی بازی ہارنے والے شہدا کے لیے ایک لمحے کی خاموشی اختیار کی گئی۔
نمائش میں معروف فوٹوگرافروں کے شاندار کام پیش کیے گئے جنہوں نے قدرتی خوبصورتی، متنوع ٹوپوگرافی، اور منفرد تعمیراتی ورثہ جو ECO خطے کی تعریف کرتے ہوئے بیحد متاثر کیا۔ پاکستان کے شاندار پہاڑوں سے لے کر افغانستان کے پرکشش مناظر اور وسطی ایشیا کے قدرتی مناظر تک، ہر تصویر نے ای سی او کے رکن ممالک کے درمیان دوستی، اتحاد اور مشترکہ ورثے کی کہانی بیان کی۔
اقوام کے درمیان احترام اور مضبوط تعلقات کو فروغ دینے میں ثقافتی سفارت کاری کی اہمیت پر زور دیتے ہوئے ممبر پارلیمنٹ برہان کایاترک نے کہا کہ یہ نمائش ای سی او ممالک کے درمیان دوستی کے بندھن اور مشترکہ اقدار کا جشن ہے۔ اس موقع پر خطاب کرتے ہوئے سفیر ڈاکٹر یوسف جنید نے کہا کہ ای سی او تہذیبوں کا سنگم ہے جہاں قدیم سلطنتیں، خانہ بدوش قبائل اور متحرک جدید ثقافت آپس میں ملتی ہے۔
انہوں نے کہا کہ باکو کے ہلچل سے بھرے بازاروں سے لے کر ملتان کی پیچیدہ دستکاری اور استنبول کی عظیم الشان مساجد تک، دکھائی گئی تصاویر ہماری ثقافت، روایات اور طرز زندگی کی عکاسی کرتی ہیں۔ ڈپٹی میئر Kecioren مسٹر Atilla Zorlu نے پاکستان ایمبیسی اور ECOCI کی انقرہ میں تقریب کرنے کی کوششوں کو سراہا۔ ای سی او سی آئی کے صدر ڈاکٹر سعد سکندر خان نے روشنی ڈالی کہ ای سی او کے اہم مقاصد میں سے ایک پائیدار ترقی اور علاقائی تعاون کو فروغ دینا ہے۔
انہوں نے سامعین کی حوصلہ افزائی کی کہ وہ مناظر کی خوبصورتی اور ECO ممالک کے مناظر کو تصاویر کے ذریعے محسوس کرسکتے ہیں ۔ اس تقریب میں فوٹوگرافر جناب علی طاہر زیدی، جناب مزمل حسین، جناب ساجد حیدری اور جناب آیاتک اونال بھی موجود تھے۔ انہوں نے اپنے فوٹو گرافی کے سفر کو مختصرا بیان کیا اور اپنے دلفریب کاموں کے پیچھے کہانیاں شیئر کیں، جسے دیکھنے والوں نے بے حد سراہا۔
