لاہور(صباح نیوز)نائب امیر جماعت اسلامی پاکستان لیاقت بلوچ نے چین میں پاکستانی میڈیکل تعلیم کے دوران انتقال کر جانے والی طالبہ فرحانہ مشتاق کی میت پاکستان لانے پر نائب وزیراعظم ،وزیر خارجہ اسحاق ڈار سے اظہار تشکر کیا ہے ۔
لیاقت بلوچ نے چند روز قبل وزیر خارجہ پاکستان اسحاق ڈار سے میڈیکل کی طالبہ فرحانہ مشتاق کی میت پاکستان لانے کا مطالبہ کیا تھا۔چینی حکام نے فرحانہ مشتاق کی میت پاکستان روانہ کردی ہے ۔لیاقت بلوچ نیوزیر خارجہ اسحاق ڈار کا شکریہ ادا کیا ہے ۔
