کراچی میں بیٹے نے فائرنگ کر کے باپ کو قتل کر دیا


کراچی (صباح نیوز)کراچی کے علاقہ کورنگی مہران ٹائون میں بیٹے نے فائرنگ کر کے  اپنے باپ سب انسپکٹر دیدار عباسی کو قتل کردیا۔ باپ کو قتل کرنے کے بیٹا موقع سے فرارہو گیا۔

پولیس کے مطابق مقتول سب انسپکٹر دیدار عباسی کو بیٹے کامران عباسی نے گھریلو جھگڑے پر دو گولیاں ماریں جو سر اور بازو میں لگیں۔ دیدار عباسی موقع پر ہی جاں بحق ہو گئے۔ مقتول سب انسپکٹر دیدار عباسی، ایس آئی یو درخشاں تھانے میں تعینات تھے۔  پولیس فرار  ملزم کی گرفتاری کے لئے مختلف جگہوں پر  چھاپے مارہی ہے۔ پولیس قتل کے واقعہ کی تحقیقات کررہی ہے۔