مقبوضہ کشمیر میں کرونا وائرس متاثرین کی مجموعی تعداد 3لاکھ 20ہزار


سری نگر: مقبوضہ کشمیر میں کرونا وائرس متاثرین کی مجموعی تعداد 3لاکھ 20ہزار 24 ہوگئی ہے ۔جموں و کشمیر میں پچھلے 24گھنٹوں کے دوران کورونا وائرس کی تشخیص کیلئے 55ہزار144ٹیسٹ کئے گئے جن میں  سے 123افراد کی رپورٹیں مثبت آئی ہیں۔  اس دوران وادی میں مسلسل دوسرے روز بھی ایک شخص وائرس سے فوت ہوا ہے جبکہ جموںمیں وائرس سے کسی کی جان نہیں گئی ہے۔ گذشتہ 24گھنٹوں کے دوران جموں و کشمیر میں 123افراد کی رپورٹیں مثبت آئی  ہیں جن میں 51جموں جبکہ 72متاثرین کشمیر سے تعلق رکھتے ہیں۔۔

کشمیر میں متاثر ہونے والے 72افراد میںسرینگر میں33، بارہمولہ میں4، بڈگام میں2 ,پلوامہ میں4،کپوارہ میں8، اننت ناگ میں2، بانڈی پورہ میں6،گاندربل میں8،کولگام میں3اور شوپیان2افرادکی رپورٹیں مثبت آئی ہیں۔ متاثرین کی مجموعی تعداد1لاکھ98ہزار739ہوگئی ہے۔وادی میںسوموار کو کشمیر میں ایک اور شخص کورونا وائرس سے فوت ہوگیا ۔ کشمیر میں فوت ہونے والے شخص کو چند دن قبل سی ڈی اسپتال ڈلگیٹ میں داخل کیا گیا تھا جہاں وہ سوموار کو فوت ہوگیا ۔