اینٹی وائرس میکافی کے موجد کی جیل میں پراسرارموت


میڈرڈ:سپین میں اینٹی وائرس میکافی کے موجد جان میکافی کی جیل میں پراسرار موت واقع ہو گئی۔

غیر ملکی خبررساں ادارے کے مطابق جان میکافی نے مبینہ طور پر جیل میں پھندا لگا کر خودکشی کی ہے تاہم جان میکافی کی موت کی وجوہات تاحال سامنے نہیں آ سکیں۔سپین کے حکام نے جان میکافی کی موت کی تصدیق کردی۔

واضح رہے کہ جان میکافی پر امریکہ میں اثاثے چھپانے اور ٹیکس چوری کے الزامات تھے اور اسپین کی عدالت نے جان میکافی کی امریکہ حوالگی کے حق میں فیصلہ دیا تھا۔