حکومت کا ہر گزرتا دن مہنگائی کا طوفان لا رہا ہے،بلاول بھٹو


کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ وزیر اعظم عمران خان ہوش کے ناخن لیں۔

انہوں نے اپنے ایک بیان میں کہا ہے کہ مہنگائی کی ماہانہ شرح 11.1 اور سالانہ 14.1 فیصد تک پہنچ چکی ہے۔انہوں نے کہا کہ ڈبلیو پی آئی کے مطابق مہنگائی کی شرح 16.6 فیصد ہے اور ایس پی آئی کے مطابق ملک میں مہنگائی کی شرح 21.3 فیصد تک پہنچ چکی ہے ۔

انہوں نے کہا کہ حکومت کا ہر گزرتا دن مہنگائی کا طوفان لا رہا ہے۔ جب گندم اور گنا پیدا کرنے والا ملک چینی اور آٹا درآمد کرے گا تو کیسے ملک چلے گا ؟۔

انہوں نے کہا کہ رمضان المبارک میں مختصر افطار کے دسترخوان عمران خان کی نااہلی کی داستانیں سنا رہے ہیں۔ عمران خان آلو، پیاز اور ٹماٹر کی قیمتیں تو سنبھال نہیں پا رہے ملک کیا چلائیں گے ؟۔انہوں نے کہا کہ پیپلز پارٹی وفاق میں حکومت بنا کر ملک بھر بے نظیر کارڈ جاری کرے گی۔