وزیرِاعظم کی زیر صدارت آئی ٹی کے فروغ کے بارے جائزہ اجلاس

انٹرنیٹ فوٹو

اسلام آباد :وزیرِ اعظم عمران خان کی زیر صدارت ملک میں آئی ٹی سیکٹر کے فروغ کے حوالے سے اجلاس ہوا۔اجلاس میں آئی ٹی ایکسپرٹ مسعود جبار، چئیرمین پی ٹی اے میجر جنرل (ر)عامر عظیم باجوہ، چئیرمین اسپیشل ٹیکنالوجی زون اتھارٹی عامر ہاشمی، سی  ای او این آئی ٹی بی سید شبہات علی شاہ موجوداجلاس میں آئی ٹی سیکٹر کے فروغ کے لئے مختلف قلیل، وسط اور طویل المدت اقدامات پر غوروزیرِ اعظم کو بتایا گیا کہ اس وقت آئی ٹی کے شعبے میں پانچ ارب ڈالر زرمبادلہ کمانے کا پوٹیشنل موجود ہے تاہم سیکٹر منظم نہ ہونے اور سہولیات کے فقدان کی وجہ سے حاصل ہونے والا زرمبادلہ استعداد سے بہت کم ہے۔

وزیرِ اعظم عمران خان نے اجلاس سے خطاب کرتے ہوئے کہ ملک کے نوجوانوں کے پوٹیشنل کو برے کار لانے کے حوالے سے آئی ٹی سیکٹر کلیدی اہمیت کا حامل ہےآئی ٹی سیکٹر کے حوالے سے ملک میں بے انتہا پوٹیشنل موجود ہے:

وزیرِ اعظم کوویڈ کی وجہ سے جہاں مختلف چیلنجز سامنے آئے ہیں وہاں گھر سے بیٹھ کر کام کرنے کے حوالے سے آئی ٹی تعلیم یافتہ نوجوانوں کے لئے بے شمار مواقع پیدا ہوئے ہیںحکومت آئی ٹی سیکٹر کے ماہرین خصوصا فری لانسرز کو منظم کرنے کے حوالے سے ترجیحی بنیادوں پر اقدامات اٹھا رہی ہے

وزیرِ اعظم نے ملک میں اسپیشل ٹیکنالوجی زونز کے قیام کی اہمیت کو اجاگر کرتے ہوئے کہا کہ ایس ٹی زیز کا قیام آئی ٹی سیکٹر کے فروغ میں کلیدی کردار ادا کرے گا۔وزیرِ اعظم نے ہدایت کی آئی ٹی سیکٹر کے فروغ کے حوالے سے ٹائم لائنز پر مبنی قلیل، وسط اور طویل المدت حکمت عملی کو حتمی شکل دی جائے تاکہ اس پر فوری عمل درآمد شروع کیا جا سکے۔

وزیراعظم سے سپیکر خیبرپختونخوا اسمبلی کی ملاقات

دوسری جانب وزیراعظم عمران خان سے سپیکر صوبائی اسمبلی خیبر پختونخواہ مشتاق غنی، صوبائی وزیر برائے ریونیو خیبر پختونخواہ قلندر لودھی اور ایبٹ آباد سے ممبر قومی اسمبلی علی خان جدون نے ملاقات کی ۔ملاقات میں صوبہ خیبر پختونخواہ میں ترقیاتی منصوبوں پر پیشرفت کے حوالے سے امور پر گفتگو کی گئی ۔