اقوام متحدہ مقبوضہ کشمیرمیں انسانی حقوق کی خلاف ورزیاں رکوانے کے اقدامات کرے:منیراکرم


نیویارک:اقوام متحدہ میں پاکستان کے مستقل مندوب منیراکرم نے عالمی ادارے سے کہاہے کہ وہ بھارت کے غیرقانونی زیرقبضہ جموں وکشمیرمیں جاری انسانی حقو ق کی خلاف ورزیاں رکوانے کیلئے اقدامات کرے۔

ان خیالات کا اظہاراقوام متحدہ میں پاکستان کے مستقل مندوب منیراکرم نے جنرل اسمبلی کے افتتاحی اجلاس سے خطاب کرتے ہوئے کیا۔اس سے قبل سیکرٹری جنرل انتونیوگوتریزکی طرف سے انسانی حقوق کے لئے کارروائی کامطالبہ کے موضوع پربریفنگ دی گئی۔

بھارت پاکستان کے خلاف جعلی فوجی آپریشن کر سکتا ہے،منیر اکرم

پاکستانی مندوب نے کہاکہ انسانی حقوق ہرجگہ خطرے میں ہیں اور ہم مسلسل انسانی حقوق کی متفرق نوعیت اورمنظم خلاف ورزیاں دیکھ رہے ہیں۔منیراکرم نے اقلیتوں ،خواتین اوربچوں سمیت کمزورطبقات کے خلاف عدم برداشت ، امتیازی سلوک، نسل پرستی اورتشدد میں عالمی سطح پراضافے پربھی تشویش کااظہارکیا۔