سیاست سے پیسہ بنانے والے نشان عبرت ہیں:وزیراعظم


پشاور:وزیراعظم عمران کا کہنا ہے کہ سیاست کا اصل مقصد عوام کی خدمت ہے، سیاست سے پیسا بنانے والے نشان عبرت ہیں۔پشاور میں صوبائی کابینہ اور ارکان اسمبلی سے گفتگو میں وزیر اعظم عمران خان نے کہا کہ بد قسمتی سے یہاں لوگوں نے سیاست کو صرف پیسا بنانے کے لیے استعمال کیا۔

عمران خان نے کہا کہ ان لوگوں نے ہر جگہ پیسا استعمال کیا، اب ان کی حالت نشان عبرت ہے، اخلاقیات جب ختم ہوجائے تو قوم تباہی کی طرف جاتی ہے۔انہوں نے کہا کہ ہم مستقبل اور اپنی نسلوں کی بہتری کا سوچتے ہیں۔وزیر اعظم نے کہا کہ ہم پیچھے رہ گئے کیونکہ یہاں اقتدار عوامی خدمت کی بجائے پیسا چوری کرنے کے لیے سنبھالا گیا، ہم ہر نظام میں شفافیت چاہتے ہیں۔

ہم مستقبل کی نسلوں کی خوشحالی اور نظام میں شفافیت لاناچاہتے ہیں۔۔قدرت نے پاکستان کو ہر نعمت سے نوازا ہے۔پی ٹی آئی اراکین نے وزیر اعظم کے وژن کی مکمل تائید کی ،اس سے قبل خیبرپختونخوا کے گورنر شاہ فرمان اور وزیراعلی محمود خان نے وزیراعظم سے ملاقات کی اورانھیں جاری ترقیاتی منصوبوں اور سیاسی امور پر تفصیل سے آگاہ کیا ۔