لاہور میں باپ کی 2 معذور بیٹیوں کو قتل کرکے خودکشی


لاہور: لاہور کے علاقہ راج گڑھ میں باپ نے اپنی 2 معذور بیٹیوں کو قتل کرنے کے بعد اپنی زندگی کا بھی خاتمہ کرلیا۔

پولیس کے مطابق لاہور میں ساندہ کے علاقے راج گڑھ کے رہائشی ضیا نامی شخص نے اپنی 2 بیٹیوں کو چھریوں کے وار سے قتل کرنے کے بعد اپنے آپ کو بھی زخمی کرلیا۔ دونوں بیٹیاں موقع پر ہی جاں بحق ہوگئیں جبکہ ضیا کو زخمی حالت میں اسپتال لے جایا گیا تاہم وہ راستے میں دم توڑ گیا۔

مزید پڑھیں: ڈاکٹرماہا خودکشی کیس:عبوری چالان عدالت میں پیش

پولیس کا کہنا ہے کہ ضیا کے ہاتھوں قتل ہونے والی دونوں بیٹیاں معذور تھیں، ان کی شناخت 34 سالہ سعدیہ اور 30 سالہ اقصی کے نام سے ہوئی ہے۔ واقعے کی وجوہات جاننے کے لیے تفتیش شروع کردی گئی ہے۔